#尋找旅行感 工作坊
Glide明白旅人對旅行的思念，我們在香港搜羅了由世界各地帶回來的工作坊。只要用心感受，在香港你也可以擁有旅行的感覺。
2021 工作坊 (入門版推介) - 療癒流體畫
【零失誤 💯】抽象療癒流體畫工作坊在歐美十分流行的一種藝術畫，流體畫使用丙烯顏料的混色與流動效果，用澆淋或倒的方式來完成一幅既抽象而有個性的抽象流體畫畫作，稱之為抽象流動畫藝術。 (不需要繪畫經驗也可參！！)
2021 推介工作坊 - 土耳其燈
【工作坊簡介】全港唯一一間由土耳其老師親自教學，體驗DIY馬賽克燈嘅藝術療癒 DIY 工作坊。
製作過程令您在色彩中紓壓，在創作時放下煩憂。工作坊準備予12種顏色的手工切割玻璃和珠珠，以及多種傳統土耳其燈飾圖騰拼貼模板，不論男女老少，人人都可以輕鬆上手。 歡迎您來製作獨一無二嘅土耳其傳統手工燈，點亮您房間，令到每個夜晚都閃閃動人！
3月工作坊推介 - 藍染體驗工作坊
植物染是古老的染色技法，其中藍染是一種接近純天然的染色良法。藍染體驗工作坊加入台灣風格的紮染技巧，透過冷染的天然草木植物染料，為布料染上天然的亮麗藍調，紮染出獨一無二的圖案，將單調平凡的衣物打造成充滿個性的時尚精品。
日式刺繡班評價：
琴日去左玩刺繡班，好好玩呀 ❤️ 原本我一早諗定，要整一隻舉手指公既肥柴🤣 點知去到整落先知唔容易😭 好在導師好有耐心，教得好好，又細心幫我修靚個襟章邊。
我整得慢，原本個班4點完，都俾我玩到5點，完全無催我🥺 如果無佢地我唔會完成到，好多謝 Glide 同 hirahira 開班俾我玩
烏克蘭刺繡工作坊評價：
揀左情人節去join呢個workshop，唔使出去同人迫之餘仲可以有啲特別嘅節目玩下。
導師Chary都好好心機教，又準備埋食物比我地🥰 同埋工作坊嘅地方都好舒服 又可以影下相 好推介假期個陣去參加👍🏻
藍染工作坊評價：
上課地點方便，查詢及booking ，過程順利，價錢合理。導師 應該真係好有經驗，時間分配得好好，唔會over run，又足夠時間比每個人落手做。
因為新手，所以需要好多時間構圖，諗完 想要個效果，就要諗點摺& 扎件衫，呢個環節最take time。
可能扎到一半發覺 唔work ... 😂 就要再諗過 再扎過.. 但係呢個過程係okay 值得經歷的。
上完呢4個鐘之後，睇見人哋藍染的product，乜嘢叫做簡單野，乜嘢叫做高級野。亦都會想自己諗啲圖案，約老師包堂染。
導師好細心 .. 係大家努力扎野個時，怕太過dead air ... 佢會播歌 比大家做background music.. ️😊 呢啲細心位 係加分既！
流體畫工作坊評價：
準備搬屋，諗住親手整啲擺設放喺新屋，所以決定同太太參加流體畫班。
我地每人都整左兩幅，一幅圓形、一幅正方形，整個過程好治療，老師亦都好細心教我地！
土其耳燈工作坊評價：
女朋友生日煩緊買咩禮物，每次都買禮物好似好 "行" 咁，所以我決定親手整啲嘢送俾佢！
當佢收到個陣，知道我係親手整俾佢，佢超開心 🥰🥰🥰
木餐具工作坊評價：
好靚呀！多謝呀sir幫咗咁多手😆 好nice好會教人，工作坊內容有趣！
流彩畫工作坊評價：
因為我同朋友都係第一次接觸流體畫呢樣野，同埋大家本身藝術細胞都冇乜，所以真係好似一張白紙咁走左入去workshop。不過好在個導師真係好nice，逐個step都示範俾我地睇，有d咩位要注意都講得好仔細，係我地做每一步之前都會remind我地，最後既完成品都好順利好滿意咁完成左。
係整既過程入面，導師除左講解制作既流程，其實中間都會同你傾下計，令到你唔會咁摳緊去上堂，有講有笑，係好舒服既。
木餐具工作坊體驗：
導師由淺入深教導製作木，餐具的每一個步驟，鼓勵學員多參予，如果遇到學員做得不足的地方，都會即時作出指導。整體感覺，愉快自在，有得著。盛裝木製成品的盒子，簡約美觀。
使用向左/向右箭頭操作播放投影片。如使用行動裝置，請向左/向右滑動
