《假期必試 藝術雕刻蠟燭工作坊》

大家有冇諗過蠟燭其實都可以有成千上萬嘅變化?想唔想為女朋友製作一份獨一無二又表達到愛意嘅禮物?有冇體驗過製作雕刻蠟燭帶嚟嘅治癒感?如果冇嘅話,Cut N Carve by Candle Alchemy嘅雕刻藝術蠟燭 Workshop就一定成為TO DO LIST 嘅必玩首選喇~通過唔同嘅顏色搭配、人手的雕刻同扭曲,雕刻蠟燭嘅色彩、層次同線條其實都可以變化多端,成為一件獨一無二嘅裝置藝術作品。無論自用做屋企擺設,抑或送畀伴侶同摯友做生日禮物,都盡顯心思。加上內置嘅LED燈,更加可以向好姐妹/女朋友「藉着蠟燭說愛你」,表達永恆嘅愛意啦~

藝術雕刻蠟燭工作坊

《工作坊內容》

導師會首先講解蠟燭嘅特性同埋雕刻時要注意嘅地方,之後再開始示範同教授大約4-5吋高嘅藝術蠟燭的雕刻技巧,創作蠟燭雕刻。
蠟燭雕刻創作主要分做兩個部分:浸蠟同埋雕刻扭曲。同學仔會先反覆浸蠟多次令蠟燭軟化咗先,就可以開始上色喇~
雖然上色方面就咁睇好似得七隻色選擇,但其實只要視乎你浸嘅次數同埋顏色選擇,呢七隻色可以有顏色配搭,做出千變萬化嘅可能性㗎!

藝術雕刻蠟燭工作坊-浸


上完色後就會進行最重要嘅一步——雕刻!導師會細心咁教同學仔喺蠟燭上面刻畫同埋扭花,同時亦都會幫手用風筒熱風幫蠟燭加溫令佢變軟,減慢蠟燭變硬,等同學仔可以順利雕刻。大家可以按照自己喜好進行唔同嘅扭花,製造個屬於自己獨一無二嘅蠟燭㗎 ^_^

藝術雕刻蠟燭工作坊-人手雕刻藝術雕刻蠟燭工作坊-雕刻



完成蠟燭雕刻之後,同學仔就可以喺蠟燭表面塗上光油,最後就喺底部開個窿,用黎安裝LED燈,咁樣喺唔點蠟燭嘅情況都可以享受藝術蠟燭獨特同埋柔和嘅光線,保持佢嘅恆久美麗~同時代表對男/女朋友永恆嘅愛<3。

藝術雕刻蠟燭工作坊-製成品藝術雕刻蠟燭工作坊-燈

《課堂時間及價錢》

蠟燭雕刻工作坊會以小班教學進行,每堂名額四人。男女朋友仔可以拍住拖去,為拍拖行程增加多點樂趣:)
價錢方面係$950/位,通常會喺星期六日2pm-5pm進行,需時3-4小時(視乎人數同個人進度)
不過如果同學想預約其他時間日子嘅話,都歡迎查詢:)
P.S. 記得喺上堂前7個工作天付款確認預約留位呀~~

《交通》

Cut N Carve位於紅磡民裕街37-45號凱旋工商中心第一期6樓6A2 Room 16,喺黃埔站A出口沿住紅磡道轉左行到佛光街天橋香港賽馬會,旁邊扶手電梯上,就可以到達Cut N Carve 架喇。

只需要用幾百蚊就可以體驗親手製作一件可以永久保存且非同非同凡響嘅藝術品,用作禮物送畀摯愛又得,自己擺喺屋企對住佢日日夜夜打卡用又得,呢個價錢點計都值啦:) 所以,Cut N Carve真係個人人都啱嘅假日好去處!

如果睇完以上咁多資料大家有興趣報名嘅話,歡迎上Gide Market 預約~

按此預約雕刻蠟燭工作坊